Leikkonan Zooey Deschanel segist hafa verið lögð í einelti í skóla þegar hún var yngri. Versta atvikið sem hún man eftir var þegar skólafélagi hrækti framan í hana.
Í viðtali við InStyle Magazine segir hún að sjöundi bekkur hafi verið langverstur en að eineltið hafi gert hana að sterkari manneskju og undirbúið hana fyrir frægðina.
Hún segir hins vegar að hún geti ekki verið eins viðkvæm og hún var áður fyrr en harmar það dálítið vegna þess að viðkvæmni gefi af sér hina bestu listamenn.
Zooey Deschanel gekk í Crossroads School sem staðsettur er í Santa Monica í Kaliforníu í Bandaríkjunum. Aðrar stjörnur sem gengu í þann skóla eru meðal annars Jonah Hill, Kate Hudson, Gwyneth Paltro, Michael Bay og eldri systir Zooey Deschanel, leikkonan Emily Dechanel.