Breski leikarinn Dave Legano sem lék varúlfinn Fenri Greyback í þremur kvikmyndum um galdrastrákinn Harry Potter fannst látinn í Kaliforníu.
Í frétt Telegraph kemur fram að Legano, sem var fimmtugur að aldri, hafi fundist á afskekktum slóðum í Dauðadalnum. Það voru tveir fjallgöngumenn sem fundu Legano og er talið að hann hafi látist af slysförum en gríðarlegur hiti er á þessum slóðum.
Legano, sem einnig starfaði við bardagalistir, lék meðal annars í Snatch og Batman Begins. Næsta hlutverk hans átti að vera í myndinni Sword of Vengeance.