Söngvarinn Mick Jagger segir að vinna hafi hjálpað sér að komast yfir dauða L'Wren Scott, að því er US TV greinir frá.
Lífsförunautur Jaggers til margra ára lést í mars á þessu ári er hún framdi sjálfsmorð. Hann segist hafa náð að halda sér á jörðinni með því að stunda áfram tónleikaferðalög og koma fram.
Hann hefur þá verið að vinna í kvikmyndinni Get On Up sem fjallar um líf James Browns og segir hann það einnig hafa hjálpað við missinn.
Þetta er í fyrsta skipti sem söngvarinn ræðir dauða Scott en stuttu eftir atburðinn sagðist hann eiga erfitt með að skilja hvernig ástkona hans og besti vinur gat bundið enda á líf sitt á þennan sorglega hátt.