Stjórnvöld í Norður-Kóreu hafa beðið kínversk stjórnvöld um að stöðva dreifingu myndbands þar sem leiðtoginn Kim Jong-un sést dansa og taka nokkur Kung-fu spor.
Fréttaveitan The Chosunilbo hefur eftir heimildarmanni í Kína að N-Kóreumönnum þyki myndbandið lítilsvirða leiðtogann og stefna valdastöðu hans í voða. Stjórnvöld í Kína gátu þó ekki orðið við beiðninni.
Kim kemur ekki í eigin persónu fram í myndbandinu því höfuð hans hefur listilega verið klippt á búk annarra er dansa glaðlega við kínverskt teknólag. Í einu atriðinu fer þó illa fyrir leiðtoganum þegar Barack Obama, forseti Bandaríkjanna, virðist afhausa hann.
Á sama tíma hafa stjórnvöld í N-Kóreu einnig sent Hvíta húsinu kvörtunarbréf vegna gamanþáttarins „The Intetview“ sem fjallaði um morðtilraun á hendur Kim. Í bréfinu er þátturinn sögð vera móðgun við leiðtogann.
Dæmi hver fyrir sig.