Leiðréttir fréttir af sér á Twitter

Maggie Gyllenhaal segist stundum athuga blöð og vefsíður til að lesa fréttir um sjálfa sig en enda á því að líða verr eftir á, að því er tímaritið Stylist greinir frá.

Hún leitar að einhverju jákvæðu en verður oftar en ekki fyrir vonbrigðum og líður illa eftir að hafa lesið fréttirnar um sig.

Gyllenhaal á tvær dætur, Ramónu átta ára og Gloríu tveggja ára, með eiginmanni sínum Peter Sarsgaard.

Leikkonan segist stolt þegar hún leiti á Twitter til að leiðrétta rangar staðreyndir í viðtölum. Hún segir Twitter-vefsíðuna góða leið til að leiðrétta það sem blöðin bjaga og henni þykir fjölmiðlar mjög oft misskilja sig.

• Blogga um frétt