Gat ekki sofið vegna froska

Ariana Grande segist ekki geta sofið vegna hávaða í froskum fyrir utan hús hennar, að því er vefsíða MTV greinir frá.

Vandamálið stafar af því að froskarnir eru á mökunartímabili og gefa frá sér hávær hljóð til að draga til sín maka.

Söngkonan deildi stöðuuppfærslu á Twitter um ástandið en sagðist fljótlega hafa fundið ágæta lausn; hún hlustaði á róandi hljóð í snjallsímanum sínum til að reyna að útiloka hávaðann.

Ariönu Grande hefur verið líkt við Miley Cyrus vegna þess hvernig hún byrjaði feril sinn en Grande byrjaði sinn feril sem leikkona í Nickelodeon-sjónvarpsþáttunum Victorious áður en hún fór út í tónlistina. Cyrus hóf feril sinn einnig sem leikkona í sjónvarpsþáttunum Hannah Montana áður en hún varð söngkona.

Grande er líkingunni ósammála og segir óþarfa samanburð á milli stjarnanna allt of mikinn. Þá segist hún einnig vera að venjast frægðinni og að hún geti ekki lengur farið út úr húsi ómáluð og með ógreitt hár.

• Blogga um frétt