Söngkonan Lily Allen telur hugsanlegt að síðasta plata hennar hafi ekki verið nógu góð, að því er Daily Mirror greinir frá.
Söngkonan segir að mögulega hafi lögin ekki verið nógu góð á síðustu plötu hennar og hún taki á sig sökina.
Allen tók sér hlé frá tónlistarlífinu frá árinu 2011 til 2013 þegar hún eignaðist dæturnar Ethel og Marnie Rose, sem eru tveggja ára og átján mánaða.
Hún segist ekki hafa haft eins mikið sjálfstraust eftir hléið og áður og segir hormónaframleiðslu hafa spilað þar inn í.
Allen giftist Sam Cooper árið 2011 en eftir brúðkaupið týndi söngkonan rándýrum sérsaumuðum kjól frá Karl Lagerfeld sem kostaði 200.000 pund eða um 39 milljónir íslenskra króna.