Vilja ekki dekra soninn

Vilhjálmur Bretaprins segist ekki vilja ofdekra Georg Bretaprins, að því er Us Magazine greinir frá.

Vilhjálmur Bretaprins og Katrín hertogaynja af Cambridge vildu ekki ofgera hlutunum á fyrsta afmæli sonarins en Georg Bretaprins varð eins árs í gær.

Í viðtali við Us Magazine sagði heimildarmaður að Georg Bretaprins mundi fá föt og tréleikföng frá foreldrum sínum á fyrsta afmælisdegi sínum.

Þá segir hann einnig að Vilhjálmur Bretaprins og Katrín hertogaynja af Cambridge vilji ekki ofgera hlutunum en Georg Bretaprins hafi fengið svo margar gjafir síðustu mánuði og það sé ekki til endalaust pláss til að geyma þær.

Afmælinu var fagnað með veislu 20. júlí heima hjá foreldrum Katrínar hertogaynju af Cambridge og önnur veisla var haldin á afmæli hans 22. júlí í Kensingtonhöll í London.

• Blogga um frétt