Radcliffe: „Ég hef stundað helling af góðu kynlífi“

Daniel Radcliffe, leikarinn góðkunni sem túlkaði hlutverk Harrys Potter á hvíta tjaldinu, segir í viðtali við The Daily Star frá reynslu sinni af kynlífi. Þar á meðal segir hann frá fyrstu kynlífsreynslu sinni, sem var að hans mati mjög góð. 

„Ég er einn af þeim sem upplifað hafa sína fyrstu kynlífsreynslu sem mjög góða, en ég verð þó að viðurkenna að ég hef stundað helling af góðu kynlífi síðan þá,“ segir hann í viðtalinu og bætir við: „Það var ekki eins vandræðalegt og margir upplifa það, eins og einn félagi minn sem stundaði kynlíf í fyrsta skiptið með ókunnugri manneskju undir brú.“

Radcliffe segir einnig skoðun sína á kynlífi undir áhrifum áfengis. „Sumum finnst betra að stunda kynlíf undir áhrifum. Mér finnst það hins vegar þúsund sinnum betra þegar báðar manneskjurnar eru edrú.“

Áður hefur hann sagt skoðun sína á kynfærahárum og ljóst að stimpillinn sem barnastjarna er smám saman að skolast af honum. „Ég kann illa við það þegar stelpur eru alveg rakaðar að neðan. Það verður að vera eitthvert hár til staðar, annars er það bara ógeðslegt,“ sagði Radcliffe í samtali við The Sun árið 2012. 

• Blogga um frétt