Hinn pólski Bartosz Huzarski, sem tekur þátt í Frakklandshjólreiðunum Tour de France í ár birti mynd af löppunum sínum á facebook í dag. Má þar sjá hvernig lappir hjólreiðakappa, sem hjólar um 35 þúsund kílómetra á ári, líta út.
Huzarski segir í samtali við Verdens gang að auk álagsins, tengist þetta líkamsbyggingu hans en hann er afar grannur og því sjást æðarnar hans vel í gegnum húðina eftir mikið álag. „Ég mun aldrei verða fyrirsæta hjá Victoria's secret með þessar lappir,“ sagði Huzarski við VG.