Rihanna glímir við eltihrelli

53ja ára heimilislaus maður var handtekinn í gær eftir að hafa sett þrjú hótunarbréf í póstkassa söngkonunnar Rihönnu. Maðurinn náðist á öryggismyndavél fyrir utan íbúðina. Í bréfunum kallaði hann söngkonuna „bitch“ og hótaði að kveikja í íbúðinni. 

Þegar maðurinn mætti fyrir dómara í fyrsta skiptið bar hann því við að bæði Rihanna og rapparinn Jay-Z hefðu stolið efni frá honum og notað í sinni tónlist. Þá á hann einnig að hafa sakað dómarann um að ljúga þegar honum var sagt að hann gæti ekki fengið að verja sjálfan sig. 

Maðurinn er góðkunningi lögreglunnar og hefur verið handtekinn margoft áður. 

• Blogga um frétt