Hlakkar til fæðingarinnar

Robert Downey jr. segist ætla að kaupa mikið af fötum á dóttur sína þegar hún kemur í heiminn, að því er E! News greinir frá.

Hinn 49 ára gamli leikari á von á barni með eiginkonu sinni Susan Levin en barnið á að fæðast í nóvember.

Á Comic-Con-ráðstefnunni í San Diego á dögunum sagðist leikarinn ætla að ausa yfir litlu stúlkuna gjöfum.

Downey jr. er ekki eina Avengers-stjarnan sem eignast barn á árinu því Scarlett Johansson á einnig von á sínu fyrsta barni með unnustanum, Romain Dauriac.

Fyrir á Downey jr. soninn Indio með fyrrverandi eiginkonu sinni, Deborah Falconer. Indio er 20 ára en þau Downey jr. og Falcones skildu árið 2004. Með Susan Levin á Downey jr. svo soninn Exton, sem er tveggja ára.

• Blogga um frétt