Söngkona hljómsveitarinnar Evanescence, Amy Lee, eignaðist sitt fyrsta barn á mánudaginn síðasta, að því er vefsíða Daily Mail greinir frá.
Amy Lee og eiginmaður hennar, þerapistinn Josh Hartzler, eignuðust son sem þau nefndu Jack Lion Hartzler á mánudaginn síðasta en þetta er þeirra fyrsta barn saman.
Söngkonan deildi mynd af sér með syninum á Instagram þar sem þau virtust friðsæl á spítalanum eftir fæðinguna.
Amy Lee og Josh Hartzler hafa verið gift í sjö ár en söngkonan tilkynnti heiminum að hún væri ólétt í janúar á þessu ári.