Hlakkar til foreldrahlutverksins

Unnusti Hayden Panettiere telur hana verða frábæra móður, að því er E! News greinir frá.

Úkraínski boxarinn Vladimir og Hayden Panettiere eiga von á sínu fyrsta barni saman. Talsverður aldursmunur er á parinu en leikkonan er 24 ára og boxarinn 38 ára.

Í viðtali við E! News segir Vladimir að lífið breytist þegar maður verður foreldri og segist hann hlakka mikið til að barnið fæðist. Hann segir einhvern hafa sagt sér að maður þekki ekki ást fyrr en maður eignist sitt fyrsta barn.

Um unnustu sína hafði hann það að segja að honum finnst hún frábær manneskja og er viss um að hún verði frábær móðir.

Vladimir segir það hafa verið draum unnustu sinnar að eignast barn í þónokkurn tíma en þau vilja ekki fá að vita kynið áður en barnið fæðist og ætla að láta það koma á óvart.

• Blogga um frétt