Breska fyrirsætan Josie Cunningham er ekkert sérstaklega þekkt, hvorki í Bretlandi né annars staðar. Nú hefur hún hins vegar komist í fjölmiðla um allan heim eftir að hún fór að bjóða fólki að kaupa miða til þess að horfa á fæðingu barns hennar, en hún á að eiga nú á næstunni.
Fjórir heppnir aðdáendur keyptu miða og borguðu þeir um 10 þúsund pund hver, eða um tvær milljónir króna. Cunningham hefur einnig fyrirætlanir um að gefa fæðinguna út á DVD.
Cunningham er umdeild persóna í Bretlandi og er dugleg við að koma sér í fjölmiðla með vafasömum ummælum. Fyrr á þessu ári ræddi hún opinskátt um það í fjölmiðlum að hún velti því fyrir sér að fara í fóstureyðingu svo hún geti tekið þátt í nýjustu þáttaröðinni af Big Brother. Þá hefur hún einnig gortað sig af því að hún hafi farið í brjóstastækkun sem kostaði um 4800 pund, á kostnað heilbrigðiskerfisins, þ.e. skattgreiðenda.
Sjá frétt The Daily Mail