Líkt og fjölmargir notendur samskiptasíðunnar Facebook tóku eftir lá hún niðri um stund á fimmta tímanum í dag. Áhyggjufullir notendur létu óánægju sína í ljós á Twitter.
Í tilkynningu frá Facebook er beðist afsökunar á óþægindunum og er tæknivandræðum kennt um þó ekki liggi ljóst fyrir hvað hafi valdið.
Kassamerkið #facebook down var vinsælt á Twitter í dag. „Facebook liggur niðri! Ó guð" Hvernig á ég nú að komast að því hvað vinum mínum finnst um að Facebook liggi niðri,“ tísti einn. „Það að Facebook hafi legið niðri í korter er sönnun fyrir því að nútímakynslóðin hefði lifað af um það bil í átta sekúndur á níunda áratugnum,“ tísti annar.
Attention world: #facebookdown. Please remain calm and do not attempt to interact with human beings.
— God (@TheTweetOfGod) August 1, 2014
Þá hringdu nokkrir örvæntingafullir notendur á lögregluna að sögn lögreglunnar í Los Angeles. „Við fengum símtöl bæði á skrifstofuna og í neyðarsíma okkar,“ sagði lögreglustjórinn.
#Facebook is not a Law Enforcement issue, please don't call us about it being down, we don't know when FB will be back up!
— Sgt. Brink (@LASDBrink) August 1, 2014