Röddin í Benedict Cumberbatch hefur hrifið marga enda bæði djúp og seiðandi. Þótt aðdáendur hans fái ekki að sjá hann geta þeir því notið þess að hlusta á hann í hlutverkum bæði tígridýrs og dreka.
Cumberbatch mun ljá tígrinum ógurlega Shera Khan rödd sína í nýrri kvikmyndin sem byggir á Skógarbókinni (e. Jungle Book) eftir Rudyard Kipling, um skógardrenginn Móglí. Hann fyrsti leikarinn sem ráðinn er við gerð myndarinnar, sem Warner Bros framleiðir, en það er Andy Serkis sem leikstýrir. Sá er best þekktur fyrir túlkun hans á Gollum í Hringadróttinssögu og King Kong.
Svo vill reyndar til að unnið er að annarri gerð Frumskógarbókarinnar í Disney verksmiðjunni og þar verður rödd Shera Khan ekki síðri, því leikarinn Idris Elba mun túlka tígrisdýrið í myndinni sem verður hvort tveggja leikin og teiknuð. BBC segir frá þessu.
Shera Khan mun ekki birtast á hvíta tjaldinu í túlkun Cumberbatch fyrr en í október 2015, en í millitíðinni munu aðdáendur hans geta hlýtt á rödd hans í næstu mynd um Hobbitann, þar sem hann mun sem fyrr ljá drekanum Smeygni rödd sína.