Vanessa Hudgens virðist vera komin yfir fyrrverandi kærasta sinn, Zac Efron.
Söng- og leikkonan skrifaði á bloggsíðu sína að hún sé yfir sig ástfangin af núverandi kærastanum sínum, Austin Butler, og kallaði hann ástina í lífi sínu.
Vanessa Hudgens lék nú síðast í bandarísku grín- og hryllingsmyndinni Kitchen Sink en þar lék hún ásamt Ed Westwick og Bob Odenkirk en myndin kemur út á næsta ári.
Austin Butler lék síðast í kvikmyndinni Yoga Hosers en hún kemur út á næsta ári.
Á bloggsíðu sinni deildi Vanessa Hudgens mynd af sér og kærastanum þar sem þau sjást brosandi og virðast alsæl. Í blogginu óskaði hún honum til hamingju með afmælið, en hann fagnaði 23 ára afmæli sínu á mánudaginn síðasta, og þakkaði Guði fyrir að hafa gefið henni þennan æðislega strák.
Vanessa Hudgens og Austin Butler hafa verið saman í þrjú ár.