Hætt saman

Madonna og Timor Steffens eru hætt saman eftir ósætti í fjölskyldufríi fyrr í þessum mánuði, að því er tímaritið Us Weekly greinir frá.

Hin 56 ára söngkona og hinn 26 ára dansari héldu saman til Suður-Frakklands ásamt börnum Madonnu, Lourdes, Mercy, David og Rocco til að fagna fjórtán ára afmæli Rocco.

Heimildarmaður sagði í viðtali við tímaritið Us Weekly að Madonna hefði kurteislega beðið Timor Steffens um að pakka saman dótinu sínu og fara. Hann hefði svo gert það og haldið heim og sagt að þau væru hætt saman.

Timor Steffens og Madonna hafa verið saman síðan í janúar á þessu ári en söngkonan hætti með fyrrverandi kærastanum sínum, Brahim Zaibar, í desember á síðasta ári.

• Blogga um frétt