Jennifer Lopez reyndi að fela andlit sitt þegar fréttaljósmyndarar sáu hana með fyrrverandi kærasta sínum, Casper Smart, að því er E! News greinir frá.
Söngkonan sást hinn 18. ágúst í BMW-bifreið sinni þar sem Casper Smart var við stýri en Jennifer Lopez og Casper Smart hættu saman í júní eftir að hafa verið saman í tvö og hálft ár.
Heimildarmaður sagði í viðtali við E! News að Casper Smart bæri mikla virðingu fyrir Jennifer Lopez og elskaði hana enn en að þau ættu ekki í ástarsambandi eftir sambandsslitin.
Getgátur hafa verið uppi um hvort Jennifer Lopez sé að hitta dansarann Maksim Chmerkovskiy en hann mætti í afmælisveislu hennar í júlí þar sem þau virtust skemmta sér konunglega.