Skilja eftir 36 ára hjónaband

Neil Young sækir um skilnað við eiginkonu sína eftir 36 ára hjónaband, að því er vefsíða Rolling Stone greinir frá.

Hinn 68 ára gamli tónlistarmaður hefur sótt um skilnað við 61 árs eiginkonu sína, Pegi Young, en þau eiga saman tvö börn, þau Ben og Amber.

Neil Young og Pegi Young kynntust þegar Pegi Young var þjónustustúlka á matsölustað nálægt búgarðinum sem Neil Young bjó á en þau giftu sig árið 1978.

Pegi Young var kveikjan að nokkrum af rómantíkustu lögum Neils Young, þar á meðal laginu Once an Angel og Unknown Legend, og vann hún sem bakraddarsöngkona fyrir söngvarann eftir að hafa komið fram með honum á Óskarsverðlaunahátíðinni árið 1994.

Síðast komu þau fram saman í október á síðasta ári á tónleikum í skóla sem þau stofnuðu árið 1986 í Mountain View í Kaliforníu.

Hjónin áttu næst að koma fram saman í Norður-Karólínu 13 .september næstkomandi en Pegi Young hætti við að taka þátt í tónleikunum.

• 1 blogg um fréttina

Bloggað um fréttina

• Wilhelm Emilsson: Neil Young, "On the Beach"