Stjörnurnar flykkjast á kvikmyndahátíðina í Feneyjum en hún er sú elsta í heimi. Hátíðin var sett í gær með frumsýningu á mynd mexíkóska leikstjórans Alejandros González Iñárritu „Birdman“.
Meðal fyrri mynda Iñárritu eru Amores perros, 21 gramos, Babel og Biutiful. Meðal leikara í Birdman, eða The Unexpected Virtue of Ignorance eins og myndin heitir fullu nafni, eru Michael Keaton, Emma Stone, Edward Norton, Andrea Riseborough, Zach Galifianakis, Naomi Watts, Amy Ryan, Merritt Wever og Benjamin Kanes. Myndin er ein þeirra tuttugu mynda sem eru tilnefndar til aðalverðlauna hátíðarinnar í ár.