Nektarmyndum af þekktum leikkonum og fleiri þekktum konum hefur verið lekið á netið eftir tölvuárás. Meðal annars hefur nektarmyndum af Jennifer Lawrence verið dreift á netinu.

Á vef BBC kemur fram að einhverjar þeirra segi að myndirnar séu falsaðar á meðan aðrar staðfesti að myndirnar séu af þeim.

Meðal þeirra sem hafa orðið fyrir barðinu á tölvuhökkurum núna eru Rihanna, Kate Upton, Selena Gomez og Kim Kardashian.

Umboðsmaður Lawrence segir að gripið verði til varna og málið kært til lögreglu. 

Mary Elizabeth Winstead, sem meðal annars hefur leikið í myndum eins og A Good Day to Die Hard hefur einnig staðfest að myndirnar sem hafa verið birtar af henni séu ófalsaðar. „Þið ykkar sem eruð að horfa á myndirnar sem ég tók með eiginmanni mínum fyrir mörgum árum síðan á heimili okkar, ég von að þið séuð ánægð með ykkur,“ skrifar hún á Twitter. 

Samkvæmt BBC var myndunum stolið af geymslusvæðinu iCloud. Apple hefur ekki tjáð sig um árásina.

Tengdar fréttir

Nektarmyndum lekið

Dæmdur fyrir nektarmyndastuld

• Húsleit vegna nektarmynda
• Fórnarlömbin eiga ekki sökina
• Ekki hneyksli heldur kynferðisbrot
• Lawrence valdi að vera ber

» Fleiri tengdar fréttir

• Blogga um frétt