Söngkonan Miley Cyrus trúir því að samskiptamiðlar séu meira heilsuspillandi heldur en marijúanareykingar ef marka má ummæli sem hún lét falla í viðtali um daginn.
Cyrus er þekkt fyrir að fara ótroðnar leiðir og ögra í leiðinni. Á seinasta ári ákvað hún til að mynda að reykja jónu á miðjum tónleikum sem hún kom fram á í Amsterdam og að sjálfsögðu hlaut hún töluverða gagnrýni fyrir þá ákvörðun sína.
Cyrus virðist þó ekki skilja hvert vandamálið er. „Ég birti mynd á Instagram af mér að reykja gras vegna þess að ég hef aldrei lært í mínu uppeldi að marijúana sé slæmt,“ sagði Cyrus í viðtali á dögunum í þættinum Sunday Night. Þrátt fyrir að Cyrus trúi ekki á skaðsemi marijúanareykinga þá vill hún vara við samskiptamiðlum. „Veistu hvað skaðar heilann þinn? Það að gúggla sjálfa þig. Instagram. Það að lesa athugasemdir á Facebook,“ Sagði hin 21 árs Cyrus.