Hótelerfinginn Paris Hilton er þekkt fyrir að ganga um með smáhunda í veskinu sínu en í dag sýndi hún umheiminum nýjasta fjölskyldumeðliminn; hvolp af tegundinni Pomeranian.
Hún sagði blaðamönnum að hvolpurinn hefði kostað þrettán þúsund Bandaríkjadali, eða um 1,5 milljónir íslenskra króna. Hundinn sagði hún þó vera hverrar krónu virði.
Áður hafði hann verið nefndur Herra Æðislegur, eða Mr. Awesome, en Hilton kvaðst hafa skipt nafninu út fyrir annað er hentar hefðarhundi í hennar eigu betur. Ekki vildi hún þó upplýsa hvert það væri.
TMZ greinir frá þessu.
Hilton er mikill dýravinur líkt og sjá má í myndbandinu hér að neðan.