Rapparinn Jay Z gaf nýverið í skyn að hann ætti von á sínu öðru barni með eiginkonu sinni, Beyoncé.
Undanfarið hefur sá orðrómur verið á kreiki að samband þeirra Jay Z og Beyoncé hangi á bláþræði en svo virðist ekki vera. Jay Z kom fram á tónleikum um helgina í París en hann breytti lagatextanum við lagið Beach is Better og gátu áhorfendur ekki heyrt betur en nýi textinn fjallaði um að nú ætti eiginkona hans von á barni.
Jay Z og Beyoncé eiga eina dóttur saman, Blue Ivy Carter, sem fæddist í janúar árið 2012.