Skoska söngkonan Susan Boyle óttast að aðdáendur John Lennons munu gagnrýna hana fyrir að gera ábreiðu af lagi hans, Imagine.
Boyle hyggst gefa sína sjöttu hljómplötu út í nóvember en platan mun innihalda hennar útgáfu af laginu Imagine sem John Lennon gerði svo frægt á sínum tíma. Boyle viðurkennir að hún sé að taka áhættu með því að endurgera lagið.
„Það var erfiðast að taka upp lagið Imagine eftir John Lennon, ekki vegna tónlistarinnar heldur vegna þess að ég vil gera þetta vel. Aðdáendur hans munu eflaust gagnrýna mig en ég vona að fólk kunni að meta mína útgáfu af laginu.“