Raunveruleikastjarnan Kylie Jenner hefur áhuga á að hefja söngferil en hún hefur nú þegar byrjað að mæta í söngtíma. Draumur hennar er að feta í fótspor Katy Perry.
Hin 17 ára Jenner er í söngnámi hjá kennaranum Tim Carter sem er sá sami sem kenndi Willow Smith, dóttur Will Smith, að syngja. Jenner vonast svo til að Kanye West muni aðstoða hana í upptökuverinu en hann er giftur systur hennar, Kim Kardashian.
„Kylie hefur fundið markmið sitt, hún ætlar að verða söngkona. Hún hefur frábæra rödd,“ sagði heimildamaður RadarOnline.com.