Týndi giftingahringnum á innan við mánuði

Fyrirsætan og sjónvarpsstjarnan Jenny McCarthy gekk í það heilaga í ágúst en hún hefur nú þegar týnt giftingahringnum sínum.

Hin 41 árs McCarthy gekk að eiga unnusta sinn, Donnie Wahlberg, ekki alls fyrir löngu en henni tókst að týna giftingahringnum sínum á innan við mánuði.

McCarthy tók hringinn af sér á hótelherbergi í New York áður en hún stundaði kynlíf að eigin sögn „Það er erfitt að koma sér í gírinn með demanta á fingrinum. Ég tók hann af mér og gleymdi honum svo. Þegar það var búið að þrífa herbergið þá var hringurinn horfinn.“

„En veistu, ef maður ætlar að týna giftingahringnum sínum þá er þetta rétta leiðin,“ sagði McCarthy sem kann greinilega að líta á björtu hliðarnar.

• Blogga um frétt