Leikarinn Colin Firth hafði áhyggjur af 29 ára aldursmuninum sem er á milli hans og Emmu Stone sem lék ástkonu hans í kvikmyndinni Magic Moonlight. Hann óttaðist að aldursmunurinn myndi láta hann líta út fyrir að vera eldri en hann er.
„Ég var mjög meðvitaður um aldursmuninn í upphafi. Ég hugsaði að ég myndi líta út fyrir að vera eldgamall við hliðina á Emmu Stone. En þetta vandist. Fólk mun samt veita þessu athygli og ég skil það, þetta [aldursmunurinn] er áberandi,“ sagði hinn 54 ára Firth í viðtali við The Independent.
Gagnrýnendur hafa talað um að Woody Allen, leikstjóri myndarinnar, hefði átt að fá eldri konu í hlutverk Stone en hún er 25 ára gömul.