Í síðustu viku var fyrrverandi hnefaleikakappinn Mike Tyson fyrstur á vettvang umferðarslyss og hlúði að slösuðum mótorhjólamanni þar til sjúkraliðar tóku við.
Þegar mótorhjólakappinn Ryan Chelsey þurfti að beygja snögglega til að koma í veg fyrir árekstur við leigubíl þeyttist hann af mótorhjóli sínu í krappri beygjunni. Tyson varð vitni að umferðarslysinu sem átti sér stað á hraðbraut nálægt Las Vegas. Tyson stóð sig eins og hetja þegar hann stöðvaði umferðina og hlúði að Chelsey á slysstað, þessu er greint frá á heimasíðu TMZ.
Chelsey braut nokkur bein og sleit liðband en hann er þakklátur fyrir hjálp Tysons og hyggst senda honum ostakörfu þegar hann hefur jafnað sig.