Pöbbinn The Old Boot í Berkshire-héraði var eitt sinn í miklu uppáhaldi hjá Katrínu, hertogaynjunnar af Cambridge, en hún fór þangað reglulega ásamt vinum sínum og fjölskyldu. Sjálfur Vilhjálmur Bretaprins hefur meira að segja farið þangað nokkrum sinnum en nú er búið að loka staðnum.
„Hann [pöbbinn] var ekki lífvænlegur lengur. Það eru of margir skemmti- og samkomustaðir í nágrenninu. Ég er búinn að vera hérna í 18 ár,“ sagði John Haley í viðtali við Daily Mail. Hann hyggst núna breyta staðnum í íbúð og flytja þangað inn.