Leikarinn Robert Pattinson er sagður yfir sig ástfanginn af söngkonunni FKA Twigs sem réttu nafni heitir Tahliah Barnett.
Pattinson átti í ástarsambandi við leikkonuna Kristen Stewart í fimm ár áður en þau hættu saman í fyrra. „Hann féll fyrir Barnett. Hann er heillaður af fegurð hennar, hæfileikum og sjálfstrausti. Honum hefur ekki liðið svona síðan hann hætti með Stewart,“ sagði vinur Pattinson í viðtali fyrir HollywoodLife.com.
„Hann er stoltur af henni. Þau urðu strax góðir vinir. Hann er heillaður af henni og er ófeiminn við að sýna það,“ sagði vinurinn.