Fréttu af handtöku dóttur sinnar frá fjölmiðlum

Ólátabelgurinn Amanda Bynes heldur áfram að koma sér í vandræði en á sunnudaginn var hún handtekin fyrir grun um ölvunarakstur. Hún var færð í fangageymslur en látin laus gegn 1.8 milljón króna tryggingu.

Foreldrar Bynes virðast vera búnir að gefast upp á henni því þeir fréttu af atvikinu frá fjölmiðlum.

„Við vitum ekkert um þetta. Við fréttum bara af þessu þegar fjölmiðlar fóru að hringja í okkur,“ sagði faðir Bynes þegar upptökumaður frá X17 spurði hann út í vandræði dóttur hans. „Ég fær símtöl allan liðlangan daginn, það er eina sem ég veit,“ útskýrði hann og sagðist ekki hafa talað við dóttur sína í þó nokkurn tíma.

Bynes er enn á skilorði vegna atviks sem átti sér stað fyrir um tveimur árum en þá var hún handtekin fyrir að keyra undir áhrifum áfengis. Bynes leit svo út fyrir að vera búin að snúa blaðinu við eftir að hún kom úr sex mánaða meðferð á seinasta ári en svo virðist ekki vera.

• Blogga um frétt