Þolir ekki kynlífssenur

Leikkonan Shailene Woodley þolir ekki að leika í kynlífssenum sökum þess hve vandræðalegt það er að hennar mati.

Hin 22 ára Woodley leikur í nokkrum kynlífssenum í kvikmyndinni White Bird in a Blizzard, þar á meðal leikur hún í senu þar sem karakter hennar, Kat, missir meydóminn.

„Það er alltaf vandræðalegt þegar leikarar þurfa að þykjast vera nánir þegar þeir eru það ekki,“ sagði Woodley.

Leikarinn Shiloh Fernandez leikur á móti Woodley í kynlífssenum myndarinnar en hann hefur ekki sömu sögu og mótleikkona hans að segja. „Þetta var eiginlega bara gaman, við dembdum okkur bara í þetta og hlógum og fífluðumst,“ sagði hann í viðtali sem birtist í New York Post.

• Blogga um frétt