Söngkonan Nicki Minaj hefur hlotið töluverða gagnrýni fyrir myndband sitt við lagið Anaconda en myndbandið þykir afar kynferðislegt. Minaj heldur því fram að þetta sé bara venjulegt myndband.
Í myndbandinu Anaconda má meðal annars sjá Minaj dilla sér um á g-streng, þetta hefur farið fyrir brjóstið á fjölda fólks. Minaj er mjög undrandi yfir þeirri athygli sem myndbandið hefur hlotið.
„Ég veit ekki hvert umræðuefnið er. Í alvöru. Mér finnst þetta bara vera venjulegt myndband. Það fjallar bara um hvað stelpur gera. Stelpur elska að hanga með öðrum stelpum, í gamla daga héldum við náttfatapartí og dönsuðum,“ sagði Minaj í viðtali sem birtist í tímaritinu GQ.