Söngvarinn Ed Sheeran sér eftir ummælum sínum sem hann lét falla um Miley Cyrus en hann kallaði hana fatafellu.
Sheeran blöskraði þegar hann sá hvernig Cyrus dansaði á sviðinu á MTV verðlaunahátíðinni í fyrra og kallaði hana í kjölfarið fatafellu. Hann viðurkennir þó að hann sjái eftir ljótu ummælunum.
„Ég sé eftir þessu vegna þess að ég yrði alveg brjálaður ef einhver segði þetta um mig,“ sagði Sheeran. „Það sem ég vildi sagt hafa var að hún ætti bara að syngja lögin sín svo að fólk sjái hversu frábær listamaður hún er,“ útskýrði Sheeran sem finnst sviðsframkoma Cyrus skemma fyrir henni.