Hin 17 ára Kylie Jenner hefur vakið mikla athygli undanfarið fyrir sjálfsmyndir sínar sem hún birtir reglulega á Instagram. Jenner þykir hafa tekið miklum útlitsbreytingum undanfarið og vilja sumir meina að hún hafi fengið sér fyllingarefni í varirnar, aðrir segja það ekki vera líklegt þar sem hún er aðeins 17 ára gömul.
Nýjustu myndir Kylie hafa þó vakið sérstaklega mikið umtal þar sem varir hennar eru óneitanlega mun stærri en þær voru áður fyrr.
Kylie hefur þvertekið fyrir að hafa farið í fegrunaraðgerð en hún segir varablýant vera galdurinn á bakvið stóru varirnar. „Þessar sögusagnir um lýtaaðgerðir eru særandi og hreint út sagt móðgandi,“ skrifaði Kylie á Twitter nýverið.
Dæmi hver fyrir sig.