Söngvarinn Robbie Williams og leikkonan Ayda Field, eiginkona hans, hafa nefnt nýfæddan son sinn. Drengurinn, sem fæddist aðfaranótt þriðjudags, hefur fengið nafnið Charlton Valentine Williams.
Williams tilkynnti þetta á youtube-síðu sinni í myndbandi sem er titlað „Charlton Valentine Williams hefur yfirgefið bygginguna ... og pabba heilsast vel“, en þar sést Field ýta Williams í hjólastól niður gang á spítalanum.
Í kringum fæðinguna setti Williams inn myndir og myndskeið á Twitter, þar sem hann lék ýmsar hundakúnstir í kringum barnsmóður sína og söng meðal annars lagið „Let it go“ úr kvikmydinni Frozen.
Williams og Field giftu sig árið 2010 og fyrir eiga þau dótturina Theodoru Rose, sem fæddist árið 2012.
Robbie Williams syngur Frozen við fæðinguna