Söngkonan Miley Cyrus er nú að undirbúa veglegt jólaboð sem hún hyggst halda fyrir heimilislaust fólk. Cyrus mun eyða rúmri milljón króna í boðið.
Hin 21 árs Cyrus hefur áður reynt að vekja athygli á stöðu heimilislausra í Bandaríkjunum en hún á góðan vin sem er heimilislaus. Núna ætlar hún að leggja sitt af mörkum og gleðja hóp heimilislausra í aðdraganda jólanna. Hún hefur ráðið kokk sem mun elda þriggja rétta máltíð fyrir jólaboðið og auðvitað munu reyndir þjónar þjóna til borðs.
„Sumt fólk segir hana bara vilja vekja athygli á sjálfri sér en í rauninni er hún virkilega hugulsöm og vill hafa áhrif á líf þessa heimilislausa fólks. Hún er að leggja sig alla fram,“ sagði heimildamaður Daily Star.
Cyrus er þá einnig sögð ætla að skemmta gestum sínum eftir matinn en ekki er vitað hvort hún tekur lagið fyrir þá.
Lögreglan leitar að félaga Cyrus