Beyoncé rétti systur sinni, Solange Knowles, hjálparhönd á brúðkaupsdegi hennar þegar Solange fékk slæmt ofnæmi á stóra daginn og þurfti að yfirgefa eigin brúðkaupsveislu.
Solange gekk í það heilaga um helgina en í veislunni var boðið upp á gómsæta rétti, meðal annars sjávarrétti. Ekki vildi betur til en að Solange fékk slæm ofnæmisviðbrögð og fékk útbrot um allt andlit og líkama.
Solange er sögð hafa látið sig hverfa inn á salerni í heila tvo klukkutíma en auðvitað kom Beyoncé henni til bjargar og gaf henni ofnæmistöflu.
„Hún [Beyoncé] fór svo með hana upp á hótel og haf henni verkjalyf. Eftir tvær klukkustundir sneru þær til baka og dönsuðu smá og skemmtu sér,“ sagði Tina, móðir Solange og Beyoncé, í viðtali við ET!.