Söngkonan Miley Cyrus hélt upp á 22 ára afmæli sitt á vinsælum skemmtistað um helgina. Cyrus, sem er ekki vön að fara hefðbundnar leiðir í lífinu, lét skreyta skemmtistaðinn með uppblásnum geimverum og getnaðarlimum.
Cyrus hélt upp á afmælið sitt á FactoryNightclub skemmtistaðnum í Hollywood á laugardaginn. Að sjálfsögðu mætti nýi kærastinn hennar, Patrick Schwarzenegger, í veisluna en hann klæddist flugstjórabúningi.
Cyrus lét skreyta skemmtistaðinn sérstaklega fyrir veisluna og valdi óvenjulegt þema. Veggir staðarins voru nefnilega skreyttir með uppblásnum kynlífsleikföngum, geimverum og glóandi kannabis-laufblöðum. Sjálf mætti Cyrus í bíl sem er í laginu eins og getnaðarlimur. Cyrus var þá mjög áberandi í klæðaburði þetta kvöld en hún klæddist bleikum pels og stuttum kjól.