Baltasar framleiðir sjónvarpsþætti

Stefnt er að því að tökur hefjist á nýrri íslenskri sjónvarpsþáttaröð árið 2016 sem bera mun heitið Katla og fjalla um unga björgunarsveitarkonu „sem tekst á við drauga fortíðar í miðjum langvarandi náttúruhamförum“ eins og segir í fréttatilkynningu.

Sjónvarpsþættirnir verða framleiddir af RVK Studios, Baltasar Kormáki og Stöð 2 og verður sögusviðið jöklar, eldfjöll og hálendi Íslands. Handritið skrifa þeir Sigurjón Kjartansson, Ólafur Egilsson og Guðmundur Oddur Magnússon.

Haft er eftir Baltasar að nú þegar sé mikill áhugi erlendis frá á verkefninu sem sé óvenjulegt í ljósi þess að þáttaröðin er enn á handritastigi.

• Blogga um frétt