Leikkonan Halle Berry stendur nú í ströngu en hún sakar barnsföður sinn um að vera rasisti. Hún hefur stefnt honum fyrir rétt vegna þess að hann sléttar hár dóttur þeirra.
Halle Berry og Gabriel Aubry voru par á árunum 2005-2010. Þau eignuðust stúlkubarn árið 2008, hún fékk nafnið Nahla. Nahla er með krullað hár líkt og móðir hennar en Aubry virðist ekki líka við hárgerð dóttur sinnar því hann lýsir og sléttar á henni hárið.
Berry sagði þá að Abry hefði komið með ýmsar rasískar athugasemdir þegar hún ræddi við hann um það sem hann væri að gera. Þessu greindi heimildamaður Mail Online frá.
Málið verður tekið upp bráðlega en eftir að Berry stefndi Abry komu krullurnar til baka í hár Nöhlu.