Bandaríska leikkonan Angelina Jolie segir að nú þegar líði að því að hún hætti að leika vilji hún gera gagn. „Hvar sem kraftar mínir nýtast. Þangað fer ég. Ég mun gera hvað sem er til að hjálpa fólki. Maður veit aldrei hvar maður endar í lífinu,“ sagði Jolie við frumsýningu nýjustu kvikmyndar sinnar, Unbroken. Hún bæði framleiddi og leikstýrði myndinni og ætlar sér að gera meira af slíku í framtíðinni.
Jolie segir að framundan séu enn nokkur verkefni í leiklistinni. „En ég yrði mjög hamingjusöm að vera bara á bak við myndavélina.“
Einhverjir velta því nú fyrir sér hvort að leikkonan ætli sér frama í stjórnmálum.