Leikstjórinn Angelina Jolie er með hlaupabólu og komst því ekki á frumsýningu myndar sinnar,Unbroken, í Hollywood í gærkvöldi. Í hennar stað mætti eiginmaður hennar, leikarinn Brad Pitt.
En Pitt var ekki einn á ferð þar sem hann mætti á svarta teppið með þremur barna þeirra, Maddox, 13 ára, Pax, 10 ára og Shiloh, 8 ára. Jafnframt voru foreldrar Pitts, Jane og William á frumsýningunni.
Í frétt UsaToday kemur fram að Pitt hafi meðal annars rætt við fjölskyldu Louis Zamperini, sem myndin fjallar um, á frumsýningunni en Zamperini lést í júlí sl. 97 ára að aldri.
Sagði Pitt syni Zamperini, Luke og dóttur, Cynthia Garris, það Jolie þætti miður að hafa misst af frumsýningunni en hana klæjaði alveg skelfilega í sárin og væri ekki húsum hæf.