Fregnir herma að rapparinn Lil Kim hafi fengið himinháa sekt fyrir að greiða ekki skatt af launum sínum frá árinu 2010 til dagsins í dag.
Gögn sem blaðamaður Life & Style komst yfir sýna að Lil Kim, sem heitir réttu nafni Kimberly Jones, skuldar um 15,8 milljónir króna til bandarísku skattstofunnar.
Lil Kim er greinilega ekki stödd á góðum stað um þessar mundir því nýverið lögðu fyrrverandi lögmenn hennar fram kæru á hendur henni og sögðu hana skulda sér laun upp á 2,3 milljónir króna. Lil Kim tapaði málinu og var gert að greiða lögmönnunum umrædd laun með vöxtum.