Blindfullur álfur verður ákærður fyrir ölvunarakstur í New Jersey.
Í frétt NJ.com segir að lögreglan í Riverdale hafi komið að hinum 23 ára gamla álfi, Brian Chellis, meðvitundarlausum undir stýri á föstudagsmorgunn. Chellis var klæddur í álfsbúning.
Lögregluþjónn sem kom að manninum segir að hann hafi verið sofandi í bílnum en með kveikt á vélinni, ljósunum og tónlist.
Lögregluþjónninn segir að Chellis hafi verið mjög ringlaður er hann var vakinn, vissi varla hvar hann væri og hafi byrjað á því að opna bjórdós. Hann var handtekinn en síðar sleppt.