Raunveruleikastjarnan Kim Kardashian hefur nú gefið starfsfólki sínu jólagjafir eins og svo margir aðrir vinnuveitendur. Samkvæmt slúðurmiðlum vestanhafs fékk starfsfólkið gjafabréf í bótox-meðferðir.
Fox News segir frá þessu og vitnar í Rob Shuter, blaðamann naughtygossip, sem segir að raunveruleikastjarnan hafi gefið starfsfólki sínu Botox sem þakkarvott fyrir árið.
„Kim hefur alltaf boðið upp á fegurðaraðgerðir og í staðinn fyrir að gefa barnfóstrum sínum, aðstoðarmönnum, húshjálpum og kokkum peninga býður hún þeim gjafabréf á bótox stofum,“ segir heimildarmaður. „Flestir afþakka gjöfina.“
Gjafabréfin rúmlega 500 bandaríkjadala eða 64 þúsund krónu virði og er stjarnan því hissa að starfsfólki sé ekki þakklátara, samkvæmt heimildarmanni.