Japanski undirfataframleiðandinn Triumph International þurfti í vikunni að innkalla 20 þúsund sólarknúna brjóstahaldara, en vír í þeim átti það til að gefa sig. Í tilkynningu frá félaginu kemur fram að viðskiptavinir séu hvattir til að hætta notkun þeirra til að koma í veg fyrir meiðsli.
Brjóstahaldararnir voru fyrst framleiddir fyrr á árinu, en hægt er að setja sólarrafhlöðu framan á haldarann sem getur meðal annars hlaðið iPod eða farsíma. Til viðbótar eru vatnspokar á brjóstahöldurunum, sem Triumph segir að eigi að koma í veg fyrir að eigendur þeirra þurfi að kaupa og ganga um með vatnsflöskur. Þannig séu þeir í raun að ýta undir umhverfissjónarmið með að minnka plast í umferð.
Þrátt fyrir mikil fyrirheit og hugmyndir um náttúruvernd þá virðist fyrirtækið hafa klúðrað grunn atriðum í hönnun brjóstahaldarana og þurfti því að innkalla 20.000 slíka.
Sjá má mynd af brjóstahaldaranum hér.